ISO стандарт хэрэгжүүлэхээр төлөвлөж буй байгууллагуудад зориулан төслийг амжилттай явуулахад нөлөөлдөг гол хүчин зүйлүүдийг танилцуулж байна.
- Компанийн удирдлага захирлууд манлайлан оролцох
Хэрэв компанийн удирдлагууд ISO төсөлд идэвхитэй оролцохгүй, стандартын талаар ойлголт мэдлэгүүдийг авч чадаагүй бол тухайн төсөл амжилттай хэрэгжихэд хүндрэл үүсдэг.
- Төслийн багт процессоо мэддэг туршлагатай ажилтнууд болон дунд шатны менежерүүдийг оролцуулах
Тухайн төсөлд оролцож буй багийн гишүүд ажлын үйл явцаа бүрэн сайн мэддэг туршлагатай байх нь стандартын баримт бичгийн боловсруулалтанд чухал ач холбогдолтой байдаг. Ялангуяа дунд шатны удирдлагууд идэвхитэй оролцох шаардлагатай бөгөөд туршлага багатай болон гүйцэтгэх шатны ажилчид оролцох бодлогын түвшний баримт бичиг боловсруулалтанд хүндрэл учирдаг.
- Төслийн багийн гишүүдийн ISO төсөлд зарцуулах хугацааг тодорхой болгох
ISO төсөлд зарцуулах цаг хугацаа тодорхой төлөвлөж ажилтнууд тухайн төсөлд цаг хугацааны боломжийг олгох нь чухал байдаг. Зөвлөх байгууллагын зүгээс төслийн багийн гишүүд 7 хоногт 1-2 өдөрийг төсөлдөө зарцуулахыг зөвлөдөг. Хэрэв ийнхүү төсөлд зарцуулах цаг хугацааг төлөвлөөгүй, ажилчдад төсөлд зарцуулах боломжийг олгохгүй бол төсөл цаг хугацаа алдах, үр дүнгүй болох эрсдэл үүсдэг.
- Цалин болон илүү цагийн хөлсийг хуулийн дагуу бодож олгох, төслийн багийг идэвхижүүлэх зорилгоор нэмэлт урамшуулал олгох
Тухай төслийн амжилттай явуулахад багт ажиллаж буй гишүүдийн идэвх зүтгэл чухал нөлөөтөй байдаг бөгөөд тэдний хичээл зүтгэлийг урамшуулж дэмжиж, илүү ажилласан цалин хөлсийг хуулийн дагуу шударгаар тооцож олгодог байх нь төслийг амжилттай явуулахад нөлөөлдөг нэг чухал хүчин зүйл байдаг.
Буцах
