Олон улсын стандарт нэвтрүүлэх гэж буй байгууллагуудад зориулан стандарт нэвтрүүлэх төсөл хэрхэн ямар үе шатаар явагддаг талаар мэдээллийг хүргэж байна.

Олон улсын стандарт нэвтрүүлэх төсөл нь  6-8 сар цаашлаад жилийн хугацаанд үргэлжилдэг байгууллагаас ихээхэн цаг хугацаа хүчин чармайлт шаарддаг ажил юм. Энэхүү төслийн ажил  нь Бэлтгэл, төлөвлөлт, хэрэгжүүлэлт, хяналт сайжруулалт гэсэн 4 үе шатаар хэрэгждэг. Зөвлөх компанийн зүгээс эдгээр үе шатуудад сургалт, зөвлөгөөгөөр хангаж тухайн компани стандарт хэрэгжүүлэхэд хөтөлж чиглүүлдэг.

Эдгээр төслийн үе шат тус бүрд ямар ажлууд хийгддэг талаар дараах хүснэгтэнд харууллаа.

Төслийн үе шат	Хийгдэх ажлууд
Бэлтгэл шат	Төслийн багаа тогтож, ажиллах зарчим тодорхой болгох Стандартын зөрүүний шинжилгээнүүд хийх Төслийн нарийвчилсан төлөвлөгөөг гаргах Ажилтнуудад менежмент тогтолцооны анхан шатны ойлголтуудыг өгөх
Төлөвлөлтийн үе шат	Стандартын шаардлага тус бүрээр танилцуулах сургалт орж практик семинарууд хийгдэнэ. Төслийн багийн гишүүд стандартын шаардлагуудын хүрээнд боловсруулах баримт бичиг болон хийх ажлуудаа тодорхой ойлгож авна. Төслийн биечилсэн болон баримт бичгийн зөвлөгөөнүүдийг авна. Стандартын хүрээний бодлогын баримт бичгүүдийг боловсруулна.
Хэрэгжүүлэлтийн үе шат	Стандарт хэрэгжүүлэхэд нийт ажилтнууд хэрхэн оролцох ойлголт мэдлэгийг өгнө. Стандартын хүрээнд боловсруулагдсан үйл ажиллагааны бодлого, журмаа нийт ажилчиддаа танилцуулах. Тэдгээр журам бодлогын баримт бичгүүдийг үйл ажиллагаандаа хэрэгжүүлнэ.
Хяналт, сайжруулалтын үе шат	Төслийн баг аудит хийх чадамжтай болсон байна. Дотоод аудитын төлөвлөгөө, тайлан гарна. УДШ ний хурал хийгдэж ISO стандартын менежментийн PDCA цикл төслийн хүрээнд 1 удаа эргэсэн байна.

 

Нэмж хэлэхэд стандарт хэрэгжүүлэлтийн төсөл нь зөвлөх компани болон стандарт нэвтрүүлж буй компани хоёр талын бүрэн оролцоо хичээл зүтгэлээр үр дүнд хүрдэг. Зөвлөх компанийн зүгээс зөвлөгөө сургалтыг бүрэн өгсөн ч стандарт хэрэгжүүлж буй компанийн удирдлагын манлайлал хангалтгүй төслийн зөвлөгөө сургалтын дагуу өөрийн компанийн баримт бичиг боловсруулалтын ажлын гүйцэтгэл хангалтгүй бол төслийн хугацаа хойшлох, төслийн үр дүн буурахад хүргэдэг.

Буцах